KRALENDIJK- Kuerpo Polisial Hulanda Karibense (KPCN) riba djaweps a a lansa e wèpsait renobá PolitieCN. Banda di un ‘look’ fresku e wèpsait renobá ta ofresé mas opshon pa tuma kontakto ku polis i ta ofresé espasio pa enfoká riba temanan relatá ku polis.

Teniendo kuenta ku desaroyo digital konstante i nesesidat di e habitante- i bishitantenan di Hulanda Karibense, na komienso di 2021 Kuerpo Polisial Hulanda Karibense (KPCN), a inisiá un kolaborashon ku Polis Hulandes (NP). E kolaborashon aki ta un ekstenshon di akuerdonan eksistente ku NP. P’esei a diseñá e wèpsait renobá segun mesun struktura i a base di mesun eksigensia di kalidat ku esun di Polis Hulandes. 

Kontakto

E wèpsait renobá ta hasi tumamentu di kontakto ku polismas fásil. Riba e wèpsait  nobo ta posibel, pa via e tap ‘kontakto’, manda un tep, keho, kòmplimènt òf notifikashon. No ta posibel (ainda) pa duna keho via e wèpsait. Esaki ainda mester tuma lugá na bali òf via agente polisial. Notifikashon ku grado di urgensia por hasi solamente via di e liña di emergensia 911.

Keho via wèpsait

Ku lansamentu di e wèpsait awor por ta posibel atrobe pa yena un formulario di keho digitalmente. A deliberá tokante e posibilidat aki anteriormente ku Defensor di Pueblo Nashonal i ta ofresé komunidat chèns pa mèldu un keho tokante tantu tratamentu di un kaso andando komo tokante komportashon di polis. Un partido eksterno i independiente lo evaluá e notifikashon aki. E partido lo duna konseho na Hefe di Kuerpo ku na su turno lo tuma desishon tokante e komportashon. Den kaso ku un dunadó di keho no ta satisfecho, esaki por hasi un apelashon riba Defensor di Pueblo Nashonal. Ku e totalidat aki di prosedura i leinan, kual konforme e rapòrt resien di mantenshon di órden, ta traha bon, KPCN ta trata di ta mas transparente posibel i tambe ta trata di siña di eventual fayo.

Informashon den spòtlait

Aktualmente tin algun tema ku a pone spòtlait riba dje riba e página ‘home’ di e wèpsait. Na e momentu aki esakinan ta, banda di e areglo di duna keho, yudansa pa víktima i informashon tokante krímen sibernétiko. Den kurso di otro aña lo kompartí muchu mas tema.  Por haña esakinan via e tap ‘tema’.