WILLEMSTAD- Gobièrnu di Kòrsou den transkurso di djaluna a partisipá ku e ta konsiderá Aruba país di riesgo hopi haltu atrobe, entrante djarason, día 22 di desèmber. 

E desishon aki ta mal notisia spesialmente pa biaheronan ku ke biaha di Aruba bai Kòrsou ya ku esaki ta bolbe introdusí e obligashon di hasi un tèst di prueba di PCR promé ku biaha. Tambe mester pasa un tèst antígeno e di 3 dia despues di yegada for di Aruba. 

E desishon probablemente ta inspirá pa e echo ku a deskubrí vários kaso di e variante Omikròn na Aruba. Rònt mundo ta implementando medidanan restriktivo atrobe pa frena e yegada di e variante di Covid-19 ku ta konsiderá hopi kontagioso.