KRALENDIJK- ORCO Bank a hasi un donashon na Fundashon Rosa di Sharon den e siman di 13 di desèmber 2021.

Fundashon Rosa di Sharon ta krea un ambiente sigur i ta fasilitá hobenan den nan desaroyo personal i ta pèrkurá pa nan ta bon prepará pa forma parti di komunidat, meskos ku tur mucha òf hóben di Boneiru.

E aña aki ORCO Bank a kambia su konsepto di donashon den fin di aña. Si den pasado, ORCO Bank tabata entregá pakete na esnan ku banko tin relashon kune, awor e banko su enfoke ta riba gruponan di riesgo, speshalmente esnan den nesesidat. Orco Bank ta trahando duru pa agregá balor komo parti di e komunidat Boneriano.

Regalo

Orco Bank a pèrkurá pa tantu e lidernan di Fundashon Rosa di Sharon, enkabesá pa sr. Ramiro Richards, i e hóbennan huntu ku nan famia tabatin un tremendo anochi. No ménos di 60 persona a tuma parti na e komementu aki den un dushi ambiente, sperando yegada di Pasku. Orco Bank a regalá kada hoben di e fundashon un bunita regalo pa dianan di fiesta.

ORCO Bank ta bisa k unan lo sigui hasi esfuerso pa brinda e mihó servisio bankario na su klientenan i tambe duna kontribushon na e komunidat Boneriano ku entusiasmo.