KRALENDIJK- Un detenido será den JICN djaweps atardi a sende kandela den sèl kaminda e tabata será. 

Brantwer tabatin e kandela rapido bou di kòntròl i a pagé. Ambulans a transportá e detenido konserní, bou di supervishon di trahadó di JICN, pa hospital pa kòntròl médiko. 

Algu mas despues un di dos alarma di kandela a zona na un otro departamentu pero esaki a resultá di ta alarma falsu.

Investigashon

Ainda no ta konosí kon e detenido por a sende e kandela. Esaki mester sali na kla despues di un investigashon ku a andando. E detenido ta ileso i lo regresá awe nochi na e instituto.