For di djaluna e boto My Own Business, bou de registrashon B524, ta pèrdí riba laman.Notifikashon di esaki a drenta serka polis djaluna atardi.

E boto tin 2 homber ku a bai piska djadumingu alrededor di 3 or di merdia pero ainda no a regresá. Segun informashon ta trata di un homber bou di nomber Jarvis Melaan i unu bou di e nomber di kariño Memo.
KPCN ta hasi yamada na un i tur ku por a tende algu di e hombernan aki of a mira e boto aki pa tuma kontakto ku polis via 911 of 7158000.

Alabes ta hasi petishon na famia di Memo pa akudí na warda di polis pa asina nos por tin kontakto ku famia i sa datosnan offisial di Memo.
Kuerpo polisial i wardakosta a inisia un buskeda i e investigashon ta andando.