ORANJESTAD- Despues di dos aña ku apenas por a selebrá e Dia di Himno y Bandera manera kustumber, ase si a selebra e dia di fiesta nashonal aki na grandi.

E parti ofisial a start awe mainta 9.00 na Plaza Libertador G.F. Betico Croes, ku presensia di entre otro Gobernador Alonso Boekhoud i miembronan di Gabinete Weever-Croes.

Promé Minister Weever Croes a papia di e tempu difíl ku e pais a pasa den pa motibu di COVID-19. “Tòg mi ta konvensí lo por sali fuerte for di a krisis aktua. Aruba a resultá di ta un ehèmpel pa hopi otro pais, pa e manera ku nos a manehá e Pandemia’, asina e Promé Minister a trese dilanti.

Presentashon

Despues di e spich di parti di Weever-Croes a sigui diferente presentashon, entre otro gruponan di folklor, pero tambe e kantante Aishel, ku resientemente a gana Kanto di Aruba. E parti ofisial a klousurá ku un defilé di gruponan uniformá.

E bander di Aruba a wòrdu introdusí dia 18 di mart 1976, huntu ku e himno ofisial ‘Aruba Dushi Tera, rekòrdando ku riba e fecha aki Hulanda na 1984 Hulanda a dun Aruba e derecho di bira un pais outónomo den Reino Hulandes.