ORANJESTAD- Den bon kolaborashon ku Kuerpo Polisial Aruba, e barku di marina Zr.Ms. Friesland resientemente a logra para un boto di piskadó Venezolano sospechoso riba laman grandi. E kontakto a keda deskubrí pa un avion di patruya di Wardakosta Merikano. 

E boto tabata riba un ruta konosí pa kontrabanda despues di kual Friesland a keda dirigí pa kontrolá e boto. Ku e barku di intersepshon rápido, FRISC, ku na bordo un ekipo kombiná di tripulantenan di e baku i Wardacosta Merikano, e boto a keda persiguí. Na yegada di e FRISC den serkania di e boto, esaki a kuminsá senk.

Riba esaki mes ora a aktua pa trese e pasaheronan a bordo di Friesland. E tripulashon di Friesland a hasi tur intento pa mantené e boto riba awa, pa asina por kontrolá esaki riba kontrabanda.

Dive team

E boto sospechoso a keda di tou pa Zr.Ms. Friesland i hibá Aruba kaminda pa entregá esaki na Wardakosta su punto di sosten na Aruba, pa por hasi mas investigashon. Pa motibu ku e boto tabata parsialmente bou di awa, e ekipo di buseo di KPA a hisa e boto ku nan materialnan pa asina por a kontrolá esaki. Durante e kòntròl riba e boto hasí pa un ekipo di e punto di sosten di Wardakosta na Aruba, un gran kantidat di pakete ku probablemente droga aden a wòrdu enkontrá.  

E seis personanan ku nashonalidat Venezolano, i e paketenan a keda entregá na e ‘unit georganiseerde criminaliteit’ di KPA pa mas investigashon den e kaso aki.