Kralendijk- Entrante dia 8 di aprel ta implementá un kuarentena obligatorio na un lugá sentral pa tur biahero ku ta drenta Boneiru for di Amerika Latina.

Esaki gezaghèber Edison Rijna a splika den su konferensia di prensa djaweps atardi. E biaharo mes lo tin ku karga ku e gastunan di estadia na e lugá sentral aki. E obligashon ta konta pa residente tambe. Esaki ta nifiká ku un biahero yegando for di un pais den Amerika Latina no por keda na su propio kas.

Tèst

Aparte di hasi su tèst di PCR i un tèst antígeno promé ku e buelo, e biahero yegando for di Amerika Latina lo mester hasi un tèst mas despues di 5 dia ku ela yega Boneiru. Si e tèst aki sali negativo, e hende tin mag di sali for di a karentena obligatorio.

Rijna a splika ku medida ta wòrdu implementá pa limitá riesgo ku e asina yamá variante di Covid-19 brasilero lo por drenta Boneiru.

Personanan bakuná

Lo no hasi eksepshon pa hende ku ya a risibí tur dos bakuna. “Na e momento aki nos no por hasi un eksepshon ainda pa hende ku ta kompletamente bakuná’, asina dr. Marian Luinstra Passchier a splika. Segun Luinstra-Passchier ta bai studie e posibilidat si pa hasi un eksepshon pa hende ku ta kompletementa bakuná pero den promé instante esaki no ta posibel ainda.