KRALENDIJK- Klientenan di BonDiGro awor por bai spar i troka punto na BonDiGro Supermarket. Manera ambos Funmiles i BonDiGro awe a anunsiá, e supermerkado ku prèisnan abou ta djòin e programa di Funmiles. 

BonDiGro ta e úniko supermerkado na Boneiru kaminda ku por spar i troka Funmiles. Tin diferente otro lugá si kaminda por spar i troke e puntonan di e programa di lealtat. 

More for Less

Sin embargo, BonDiGro no ta e promé supermerkado ku ta djòin e program. Den pasado por a spar punto na More for Less supermarket i un tempu, ounke relativamente kòrtiku, tambe na Van den Tweel Supermarket. 

E djòinmentu di Funmiles no ta e úniko desaroyo na e supermerkado. Despues di a muda i ekspandé considerablemente den pasado, ta bolbe traha riba ekspanshon.