Kralendijk- Boneiru ta avansando ku su programa di bakunashon. Ayera departamentu di Komunikashon di Gobièrno a presentá dos grafik nobo pa informa pueblo tokante e progreso.

For di djaweps lo ta mas kla kuantu hende ta pasa bakuna riba un dia partikular. Ayera den konferensia di prensa a partisipá tambe ku pronto Boneiru lo por bakuná mas hende. Awor aki ta bakunando te ku 800-i piku hende pa dia. Pronto lo hisa esaki na un kapasidat di mas ku 1000 persona pa dia.

Pa logra esaki ta alargá e oranan ku ta bakuná, ta bin ku sierto ora di ‘walk-in’ kaminda hende por kana drenta sin registrashon di antemao i tambe ta bai habri un lokalidat adishonal kaminda lo pasa bakuna.