ORANJESTAD- Pais Aruba komo promé pais di e tres paisnan autónomo den Reino tin mag di kuminsá drei bèk e kòrtamentu den salario di ambtenar ku e implementá durante e krisis di COVID-19. 

Aruba a risibí outorisashon di sekretario di Estado Alexandra van Huffelen, ya ku gobièrnu di promé minister Evelyn Wever-Croes ta kumpli ku tur e eksigensianan ku a pone pa esaki. 

A palabrá ku lo drei bèk e kòrtamentu den salario di ambtenarnan ku e grupo di salarionan mas abou, ya ku esakinan ta sinti e efekto di e oumento den gastunan resien mas fuertemente, ku otro gruponan. 

Kondishon

Sí tin sierto kondishonan ku Aruba mester sigui kumpli kuné pa por kuminsá ehekutá e dreimentu bèk di sumanan di 12,6% ku a kòrta. 

Kòrsou i St. Maarten ainda no a haña aprobashon pa drei bèk e redukshonan salarial, ya ku ainda nan no a kumpli ku tur e kondishonnan ku gobièrnu di Reina a pone pa esaki.