KRALENDIJK- Kompania di maneho di sushi na Boneiru, Selibon, a anunsá den transkurso di djaluna ku entrante sèptèmber 2022 lo mester bai oumentá tarifa. Kuriosamente, no ta duna ningun detaye tokante e magnitut di e oumento òf e preisnan nobo. 

“Pa Selibon N.V. ta hopi improtante pa keda traha di forma inovativo i efisente. Huntu ku nos habitantenan, ta importante pa kuida nos naturalesa”, asina e kompania a skibi den un relato di prensa. 

Gastu

Na mes moment e kompania ta mustra ku nan tambe ta wòrdu konfrontá ku gastunan mas halutu. “Entre otro preisnan pa kombustibel, transporte e gastunan operashonal a subi. Esakinan tin un impakto riba nos tarifanan”, segun Sleibon a informá. E kompania ta bisa ku pa esaki, sierto tarifanan lo mester wòrdu adaptá.