ORANJESTAD – Archivo Nashonal di Aruba, ANA, a alargá nan kampaña-“3C”, ku nan a lansa na luna di yüni, ku seis siman.

Durante e kampaña aki ta stimulá públiko pa trese na ANA material históriko den forma di dokumentu, pòtrèt, datonan oudiovisual i digital pa archivá nan pa e siguiente generashon. E material ku ta bini aden mester yuda konta e historia di Aruba.

ANA ta warda i protehá archivonan históriko i balioso di gobièrnu, dokumentu, pòtrèt, material oudiovisual, datonan digital, etc di personanan individual i entidatnan. E ta responsabel pa maneho i konservashon di rekuerdonan nashonal i e patrimonio kultural di Aruba.