KRALENDIJK – Den oranan tempran di madrugá di djaluna 29 di yüli un hòmber a bira víktima di un atrako brutal na Plaza Wilhelmina na Playa. E insidente a tuma lugá den kareda di 2’or di madrugá, na momento ku e viktima tabata kanando pa bai kue su baiskel.

Un hòmber deskonosí a aserká e homber i a pidi’é sèn. Ora e víktima a nenga, e situashon a sali for di man. E sospechoso deskonosí a pusha e hòmber, pa despues tres otro hòmber a djòin e i huntu nan a atak’é. E víktima a bai fo’i dje a konsekuensia di e violensia.

Ora ku el a bin bei atrobe, el a nota ku a hòrta su baiskel eléktriko, un Fatbike, i diferente otro pertenensia personal. Polis a start un investigashon di e suseso.

Ta supliká testigunan ku kisas por a mira òf tende algu, òf ku por tin informashon di e esnan kulpabel di e insidente, pa tuma kontakto ku polis urgentemente. Por hasi esaki via e numbernan di telefon 715 8000 òf anónimo via 9310.