KRALENDIJK- Riba djárason polis a detené un di sinku sospechoso den e kaso di tiroteo ku a tuma lugá riba djaluna 22 di yüli último, kaminda a heridá un hoben di 17 aña. 

Den promé instansha polis tabata sospecha ku tabata trata di un asiná ‘drive by shooting’, pero despues otro teoria a kuminsá lanta kabes. 

Djarason a detené un mucha hòmber di inisial J.R.M. di 17 aña di edat. Esaki ta e di 5 persona ku a detené de e kaso aki. Bosero di polis ta indiká ku investigashon den e kaso ta kontinuá ainda. 

Tep

Polis ta hasi un apelashon riba siudano pa, den kaso ku nan a mira algun òf por tin algun informashon relevante pa e kaso, pa tuma kontakto ku polis na 715-8000 òf via di e liña di tep anónimo 9310.