WILLEMSTAD – Na Kòrsou a detené djarason 5 di òktober un hòmber fugitivo di Ulanda ku ta sospechá di ta envolví den abuso seksual di hopi hende muhé na Limbug i otro partinan den e pais pa motibu di tráfiko di hende. 

E kurasoleño di 31 aña di edat a bin den publisidat durante un investigashon polisial largu, kaminda riba 24 di mei di e aña aki a detené kuater sospechoso.

Detenshon

Motibu di e investigashon aki a sali for di un katidat di denunsia di viktimanan vulnerabel. Ta sospechá tur e 5 sospechosonan den e kaso aki di e mésun echo kastigabel.

Lo hiba e sospechoso dilanti hues-komisario na Kòrsou pa despues entregu’é na Ulanda. A hiba e sospechosonan, ku anteriormente a detené, dilanti kaba i te ainda nan ta den aresto preventivo.