DEN HAAG – Fuentenan di Algemeen Dagblad na Hulanda ta konfirmá ku djabièrnè anochi a detené un anterior kómplise i alma karitativo di Joran van der Sloot den un hotèl na Spaña. Ta trata di Stan P. di 34 aña di Valkenburg.

A detené P. huntu ku su kasá despues di un investigashon di Interpol. No ta konosí ainda kiko ta e motibu di e detenshon. Den e añanan ku a transkurí P., un eksperto riba tereno di siguridat di internèt, lo a gana varios tòn ku estafa i manipulashon di kasinonan ònlain. E mes ta bisa esei den kòmbersashonnan oudio ku ta sirkulá riba internèt.

Segun hustisia Peruano un parti di e entradanan lo a ‘disparse’ riba kuenta di Leidy Figueroa. Figueroa ta e amiga di Van der Sloot. Ta trata aparentemente di un montante total di 350.000 euro

P. lo a hañ’é enfrentá ku hustisia pa esaki na Peru na aña 2018, pero esaki no a kondusí nunka na un detenshon. No ta konosí si e detenshon aki tin di haber ku e kaso aki.