KRALENDIJK- Den e dianan tras di lomba a traha duru na Aeropuerto Flamingo pa hala e líneanan riba entre otro e pista i plataformanan di nobo. 

Direktor di Bonaire International Airport (BIA), Maarten van der Scheer, ta mustra su mes kontentu ku e manera ku e trabou a kana i e resultado final.

Líneanan kla i bon visibel ta importante pa tur hende ku ta traha huntu na aeropuerto. “Esaki ta konserní no solamente aerolíñanan, pero tambe kompanianan ku ta duna servisio na tera i nos propio empleadonan. E ta hasi e aeropuerto mas seif”, asina Van der Scheer a splika. 

De direktor a keda kontentu tambe ku e trabou i e resultado. “A traha dia i nochi pa por keda kla sin ku mester a kousa molester òf interupson na nos operashon. Pa e bon trabou mi ta yama danki na nos empleadonan, pero tambe na Multiline Marking B.V, ku a yuda realisá e trabou aki.