KRALENDIJK – Riba 24 di oktober 2024 a kuminsá e pilot “Famia Fuerte”. E proyekto ta enfoká riba famianan ku problema kompleho na Boneiru, ku e meta pa krea un situashon di kas segur i stabil.

Famia Fuerte ta uni e forsa di Zorg Jeugd Caribisch Nederland (ZJCN), Sentro Akseso, EOZ, Mental Health Caribbean i Jeugdzorg.

Un team di trahadó sosial lo  traha intensivo huntu na base di e vison ‘hasi loke mester’ pa mantené muchanan mas tantu posibel den nan kas, i prevení ku mester saka mucha di nan kas pa pone nan otro kaminda. 

Estudio

Durant e proyekto piloto di un aña, lo midi e impakto pa determiná si e metodo por sigui ku e método ta na un manera struktural na Boneiru, ku plan di ekspanshon pa Saba i Sint-Eustatius.