KRALENDIJK – Durante e enkuentro Milestone di e Proyekto ‘Doorontwikkeling Informatie Organisaties Carib’ (DIOC) riba 22 i 23 di òktober na Boneiru, a konfirmá ku e kompartimentu di informashon entre e servisionan di mantenshon di órden di e seis islanan hulandes ta dunando resultado. 

Representantenan di kuater kuerpo polisial, RST, Wardakosta i prokuradó general a papia tokante e progreso den e kompartimentu di di informashon ku otro. Trabou dirigí riba akumulashon i analísis di patronnan kriminal ta duna un bista mas kla di e kriminalidat den nos región.

Segun oradó Evan Ellis, e produkshon di kokaina i negoshi di benta di arma ta keda un menasen serio. E kompartimentu di informashon ku otro, mester yuda pa desmantelá retna kriminal i garantisá seguridat.

Kompartí

Presidente di Kolegio, Carl John, a suprayá ku, ounke e resultadonan ta positivo, ta esensial pa sigui kompartí mas informashon ku otro pa sigui garantisá éksito.