KRALENDIJK- ABVO ta mustra riba e echo ku pensionado tambe por afiliá na e sindikato. Según presidente di ABVO Bonaire, Robert Sances, a hiba diferente komberashon riba e tópiko aki entre otro ku representantenan di Union di Penshonado di Antia Hulandes (UPAH). 

E kombersashonan aki ta andando ainda, pero e idea ta pa intensifiká esakinan, asina Sances ta skibi den un komunikado di prensa ku a sali e siman aki. Segun Sances ta mustra, ta importante pa uni forsa pa protehá derecho i interés komun, tambe den kaso di penshonado. 

“Ken no ta kòrda e akshon ‘No mishi ku mi penshun’ di algún aña atrás?”, asina Sances a puntra. 

Poko komun

Aunke ku na Hulanda ta mas komun ku penshonado tambe forma parti di sindikato, na Antia Hulandes i tambe Boneiru esaki ta ménos komun, pero esaki no ta nifiká ku no ta posibel.