SCHIPHOL – Hopi aerolínea ku ta hasi uso di e aeropuerto Schiphol na Hulanda ta hopi rabiá ku e aeropuerto pa un hisamentu di tarifa ku lo yega no ménos 40% den e periodo entre 2025 ku 2027. 

Segun Schiphol a bisa, e oumentu ta nesesario pa por hasi invershonnan nesesario den mehorashon di e aeropuerto. Ya ku e aerolíneanan lo pasa e oumentu pa nan pasaheronan, ta premirá ku e subida lo bai hasi pasashi for di Schiphol 15 Euro mas karu pa kada pasahero, pa kada biahe. 

BARIN, e organisashon di aerolínea na Hulanda ta malkontentu ku e medida di Schiphol i a mustra ku e oumentu ta hasi Schiphol un di e aeropuertonan mas karu di hinter Europa. Direktora di KLM, Marjan Rintel tambe a bisa di no ta haña e paso di Schiphol un bon idea. 

No rasonabel

“Schiphol ta pasa e gastunan èkstra di su problemanan finansiero i pasamentu di presupuesto pa un gran parti riba e biahero. No por evitá ku preis di pasashi lo subi, si bo subi e gastunan asina tantu. Esaki no ta ni rasonabel, ni un bon muf”, asina Rintel a bisa.