KRALENDIJK- Bonaire International Airport (BIA) ta bisa ku nan a inisiá un investigashon relashoná ku un golfkart di e kompania Divi Divi, ku a kuminsá kore su so, i a drei diferente ronchi sin kontrol riba e plataforma, pa despues kai kontra e muraya di terasa di sala di espera.

E aeropuerto ta enfatisá ku na e momento di e inshidente no tabatin pasahero den bisindario “No a okurí ningun daño na e empleadonan ku a keda envolvé i e daño ta limitá”, BIA a bisa den un deklarashon skirbi.

Regulashon

Tabata trata di un vehíkulo ku a wordu usá den maneho di un buelo di Divi Divi Air for di Kòrsou. Na e momentu di e suceso, tabatin karga ku tabata sakando for di avión. Segun e regulashonnan, ta mester stashoná vehíkulonan di forma segur riba e plataforma. 

Gerensia di e aeropuerto ta bisa di ta lamentá e suseo i a kuminsá pa determiná e kousa eksakto di e incidente. Djabièrnè mainta ainda por a mira e vehíkulo na e luga di e incidente.