PHILIPSBURG, SINT-MAARTEN – Princess Juliana International Airport (PJIA) lo ta anfitrion di 18 te 19 di novèmber 2024 di e di tres konferensia anual Dutch Carribean Cooperation of Airports (DCCA). E evento ta trese lidernan di industria, interesado- i sosionan huntu pa papia di aviashon duradero i e koperashon interinsular den Karibe Hulandes.  

E último añanan e konferensia di DCCA “Flight to the Future” a krese bira un plataforme importante pa koperashon regional i partishon di konosementu. Despues di e éksito di e konferensia di aña pasá ku a tene na Aeropuerto Internashonal di Kòrsou, PJIAE ta aspirá pa ofresé un eksperensia mas atraktivo pa e partisipantenan.

Koperashon 

Brian Mingo, CEO di PJIAE, ta entusiasmá pa e evento: “Nos ta sinti nos honrá pa organisá e di tres konferensia DCCA na Sint-Maarten. E evento aki ta krusial pa promové koperashon interinsular i deskubrí solushonnan inovativo pa futuro di aviashon.”

E konferensia ta konsistí di presentashonnan di oradónan lokal i internashonal, debatenan den grupo ku ekspertonan den sektor i posibilidatnan ámplio pa ret. Partisipantenan por partisipá tantu físikamente komo virtualmente, despues di e formato virtual eksitoso di e konferensia anterior.