WILLEMSTAD – Djarason e promé biaha di Albatros Airlines di Venezuela a baha na Aeroporto Internashonal di Kòrsou.

E buelo a sali for di aeropuerto di Las Piedras (LSP), pa a yega aeropuerto Hato un ratu despues. Segun e aerolinia, e buelonan ta kuminsá atrobe despues di un interupshon di kuater aña. 

Curaçao Airport Partners (CAP) ta kontentu ku e bèk kambio di aerolinia benesolano. “Nos ta hopi kontentu di por yama Albatros Airlines bonbini na Aeroporto Internashonal di Kòrsou. Ku e buelo aki a pone un paso importante pa rekonektá nos paisnan Kòrsou i Venezuela ku tin un laso históriko”, asina CAP a bisa durante e ceremonia di bonbiní pa Albatros.

CAP a bisa tambe ku nan ta kontentu di traha ku e ekipo kompleto i partnernan manera Albatros Airlines pa brindá biaheronan un eksperensia ekselente.