KRALENDIJK – American Airlines lo amplia su kapacidat pa Bonaire i lo kuminsá bulá entre Bonaire i Miami tur dia, for di komienso di desèmber.

American Airlines a hasi e anunsio den konteksto di un ekspanshon di kapasidat di a aerolínea pa e área di kariba. E kompania ta agregando buelonan pa diferente destinashon nobo den Karibe. 

Bonaire no ta un destinashon nobo, pero sí ta bai tin ta un ekspanshon di e kantidat di biaha pa kuminsá ku buelo diario.

Riba petishon di ABC Online Media, direktor di TCB, Miles Mercera, a konfirmá e notisia. Segun Mercera, e buelonan adishonal lo no solamente tuma lugá ten e temporada di pasku ku aña nobo, pero lo mester keda pa hinter e temporada haltu. 

“Nos tabata den konbersashon ku American Airlines pa algun tempu kaba tokante esaki”, asina Mercera a bisa. 

Kompra

Mercera a indiká tambe ku e buelonan adishonal ainda no ta kargá den sistemanan di reservashon. “Pero pronto lo tin un anunsio oficial i e buelonan aki i riba termino kòrtiku nan lo kuminsá sali den sistemanan di benta, di modo ku por kumpra esakinan, segun Mercera a splika.