WILLEMSTAD – Awe aña eskolar nobo ta kuminsá. Ta bai hiba i buska alrededor di 28.000 mucha i hóben i lo por ripará esei riba kayanan di Kòrsou.

No ta konosí ainda kuantu mucha i hóben ta bai skol eksaktamente e aña aki, pero e kantidat ta bahando si pa algun aña kaba.

E aña eskolar nobo ta nifiká tambe komienso di “Operashon mehorashon den enseñansa na Kòrsou”. E maneho nobo ta dirigí na promé lugá riba e mucha i entre otro mester evitá ku muchanan ta stòp di bai skol tempran i sin kaba nan estudio.

Tambe e ministerio lo introdusí enseñansa spesial i enseñansa multilingual. Ademas den e maneho nobo lo pone énfasis riba dosente- i maestronan, mui en espesial riba nan posishon hurídiko.

E maneho nobo ta dirigí riba mehorá e prosesonan na skol, manera entre otro mas digitalisashon i tambe reparashon di djesdos skol.