WILLEMSTAD – E pilot di origen Kòrsou Andrew Wansing djaluna a keda promové pa komandante riba e Saab 340 nan di Z Air.

Wansing ta trahando pa aerolínea pa basta aña kaba, kaminda el a kuminsá komo promé ofisial riba e Beechcraft 1900D. Después Wansing a sirbi komo promé ofisial riba e Saab 340. Después di algun aña di bula riba e stul na man drechi, awor lo e bula na e stul na man robes.

Promé ku su promoshon Wansing a sigui e entrenamentu nesesario i mester a prueba ku e por kumpli ku e rekesitonan pa su ròl nobo, bou di supervisión di un instruktor i eksaminador.

Pilot ekselente

Direktor di Z Air René Winkel a alabá Wansing. “Andrew a akumulá no ménos ku 1800 ora di buelo sekra nos. Pero mas importante ainda, e ta un piloto ekselente ku un atitut di trabou hopi bon. Nos ta mashá kontentu ku su promoshon”. 

E kapitán nobo a risibí hopi felisidatshon di koleganan, amigu’i i tambe pasahero ku ya a bulá ku Wansing den pasado.