WILLEMSTAD – Kòrsou i Aruba tin interes den un areglo komparabel pa stipulá un mínimo sosial. Durante un enkuentro ku minister demishonario Carola Schouten di Maneho di Pobresa ámbos minister di e dos islanan a kòmbersá riba e tópiko aki.

Minister Schouten a splika durante su bishita na Kòrsou 27 di òktober último kon na Hulanda a hasi investigashon pa montantenan adekuá pa personanan na Boneiru, Saba i Sint Eustatius.

Figurabo ku na Kòrsou 60 porshento di e poblashon ta biba di suèldu mínimo, segun minister Larmonie-Cicilia di Desaroyo Sosial i di Trabou. E aña aki a subi e suèldu mínimo di 9,62 florin pa 10,70 florin pa ora i e kompensashon di ònderstant a bira 422,24 florin pa luna. 

E oumentonan aki sinembargo ainda no ta sufisiente pa lora kuné, e minister ta atmití.

Ku un poblashon di 150.000 habitante alrededor di 45.000 Yu di Kòrsou ta bibando bou di liña di pobresa. Esakinan ta sifranan ofisial, pero e realidat por ta pió. Tin un investigashon ta tumando lugá aktualmente kiko e grandura berdadero di pobresa ta riba e isla.