ORANJESTAD – Djabièrnè último Aruba a prolongá atrobe e siere di espasio aéreo ku Venezuela ku tres luna mas. E medida aki ta enserá tantu tráfiko aéreo general komo komersial, inkluso transporte di pasahero, karga i pòst.

Venezuela ta keda riba e lista di paisnan ku ta konsiderá komo un menasa pa seguridat nashonal, manera e servisio di informashon Hulandes a publiká. A entregá e prohibishon aki for di 9 di mart 2020, na promé instante komo parti di e medidanan kontra e pandemia di Covid19 e tempu ei, pero ta alargu’é awor, asta despues ku no tin restrikshon mas di Covid19

Promé minister di Aruba, Evelyn Wever-Croes, a atmití resientemente ku posiblemente tin un chèns ku pronto lo habri e frontera pa karga aéreo so. Esaki lo ta den koperashon estrecho ku Venezuela, komparabel ku e situashon aktual na frontera marítimo. Resientemente a habri e frontera aki, pero solamente pa karga ku boto manera fruta i bèrdura.