KRALENDIJK- Djárason anochi alrededor di 8.15 or di anochi un atrako a tuma lugá na un toko den bario di Antriol. 

Dos hòmber ku kara tapá i armá ku probablemente arma di kandela a drenta e toko i a saka e sèn for di e kaha di plaka. 

E malechornan a hui for di e sitio promé ku polis a yega. Polis mesora a inisiá un investigashon den e kaso. Polis ta hasi un apleashon tambe riba siudadanonan pa tuma kontakto ku polis den kaso ku nan tin informashon informashon ku lo por ta relevante pa e investigashon òf si nan a mira algu sospechoso. Den e kaso ei por yama 911/112 òf e liña di tep anónimo 9310.