MEDELLÍN, COLOMBIA – Avianca a hasi e promé buelo direkto entre Medellín i Aruba djaluna. E buelonan direkto ta parti di plan di Avianca pa transportá mas pasajeronan for di siudatnan grandi na Colombia pa region, sin tin ku hasi un eskala na Bogotá.

E kompania tabata usa antes un modelo estrikto hub & spoke pa su buelonan, unda kasi tur buelonan tabata hasi un eskala na Aeroporto El Dorado di Bogotá. Awor, e kompania ta desviá di esaki, siguiendo e ehèmpel di kompetidónan low-cost.

Buenos Aires

Bandi di e buelonan pa Aruba, for di djaluna Avianca ta bolbe bula direkto for di Medellín pa kapital di Argentina, Buenos Aires. E buelonan direkto pa Aruba lo tuma lugá kuater biaha pa siman; esnan pa Buenos Aires ta tuma lugá diariamente.

E buelonan direkto for di Medellín ta bini riba e buelonan ku e aerolínea ya ta ehekutando for di Bogotá pa e dos destinashonnan aki.

*Un modelo di ‘hub & spoke’ ta un sistema pa ehekutá buelo, kaminda un aeropuerto sentral (e ‘hub’) ta fungí komo e puntu di konekshon unda tur buelo ta yega huntu i for di unda pasaheronan ta wòrdu  transportá pa nan destinashon final (e ‘spokes’).