KRALENDIJK – E siman di Dia di Rincon a yega. Ta un temporada di fiesta i goso. Pa e periodo aki tin basta evento i aktividat plania. A resultá ku e ora ei sa pèrdè e reglanan vigente i responsabilidat pa ku nos mes i nos próhimo for di bista.  Pero esaki no ta notifiká ku e reglanan ta ménos vigente.

P’esei polis lo ta mas tantu posibel visibel i presente riba kaya pa mantené òrdu i pa duna ayudo kaminda ta nesesario. Den kaso ku personanan kousa un estorbo pa órden públiko òf ta hasi nan mes kulpabel na echonan kastigabel, lo evaluá ta di ki tipo di violashon(nan)  ta trata i kua lo ta e mihó manera pa atendé ku esaki, hasiendo esaki ku rèspèt mutuo. Lo no tolerá tantu violensia ferbal i/òf agresividat kontra agentenan den niun sirkunstansia ni tampoko opstrukshon di polis òf otro dunadó di ayudo den ehersé nan funshon.

KPCN ke enfatisá ku ta esensial tambe pa bebe di manera responsabel i uza kùpnan re-usabel pa ko’i bebe na lugá di glas òf bòter, asina bo ta prevení situashonnan peligroso. Si bo ta bebe, no stür. Traha un afsprak pa hiba bo kas. Mirando ku durante di e dia lo bo ta oranan largu for di kas ta deseabel pa sera bo kas bon i sòru pa e tin sufisiente iluminashon ora bo sali. Stashoná bo outo na un lugá seif, pero no tras di barikada i no laga kos balioso den outo. Sigui e rutanan stipulá i no move e bòrchinan ku ta indiká esakinan. 

Pa finalisá polis ta hasi un yamada na un i tur pa duna oido na eventual òrdu di polis. Asina nos por selebrá na un manera seif i responsabel.

Kuerpo Polisial Hulanda Karibense ta deseá un i tur un felis Dia di Rincon!