ORANJESTAD – Biblioteka Nashonal di Aruba ta organisá aktividat pa mucha den fakansi grandi. Lo ta trata mas tantu pelíkula grátis pa mucha den aire liber.

E establesimentu na Oranjestad lo tin funshon tur djaweps pa 7’or di anochi, entrante 14 di yüli 2022  te ku 4 di ougùstes 2022. Na San Nicolas e nochi di sine lo ta riba tur djarason entrante 13 di yüli 2022 te ku 3 di ougùstes 2022

Workshop

Hóbennan ku tin ambishon pa skirbi por sigui un workshop grátis “Siña kon bo por bira un eskritor”. Esaki ta tuma lugá di 11 te ku 15 di yüli 2022 den Biblioteka na Oranjestad mientras ku na Biblioteka na San Nicolas ta duna e workshop aki di 18 te ku 22 di yüli 2022. Bo mester registrá adelantá.

Eksposishon 

Na luna di yüli Biblioteka ta fasilitá ekposishon di e artista gráfiko Anita Hugen. Na e eksposishon aki por mira un seri di pòtrèt ku a selektá pa e obra ku a publiká resientemente, yamá  “Sacred Nature of Aruba: photoscaping shape, texture, form and color”

Ta duna inisio na e  eksposishon aki djaweps 7 di yüli 2022 pa 6’or di atardi i e ta keda habrí un luna. E eksposishon ta grátis.