Kralendijk- Relashoná ku dia Internashonal di hende muhé, biblioteka públiko a pone e trahadónan ku ta traha riba field den spòtlait.

Algun aña pasá tabatin e tendensha ku ta hende hòmber so por a kore trùk di sushi, bari kaya òf traha na porta di lèntfil.

Pero pa algun aña nos hende muhénan a demostrá ku nan tambe por hasi e tipo di trabounan ei.

Atenshon

Biblioteka Públiko pa algun aña ta pone atenshon na e dia tan speshal aki. A opsekiá kada un di e dama nan aki un regalito kaminda nan por skohe un dia pa malkriá nan mes.

Tambe nan a haña un tarheta di miembresía grátis di biblioteka públiko. Naturalmente algu dushi di pasaboka i bebe no a keda afó.

Un pabien na tur hende muhé di Selibon i ta gradisí nan pa e trabou grandi ku nan ta ehersiendo dor di tene nos Boneiru limpi.

---

Lesa tambe:

• 
  Prevení Zika, Dengue i Chikungunya
• 
  Zulay Nahr ta kompartí alegria di Pasku ku famianan den nesesidat na Boneiru 
• 
  Winair i KLM reintrodusí akuerdo di kódigo kompartí
• 
  Komishon Herensia Kultural ke protekshon pa identidat di Dia di Rincon 
• 
  Caribe Nobo, Bondigro i Warehouse a bolbe resultá ta e supermerkadonan mas barata na Boneiru