KRALENDIJK- Boneiru dentro di poko ta bai haña un asina yamá ‘business incubator’, kaminda negoshinan nobo por nase e pone nan promé pasonan komo negoshi.

Ku un modelo asina, vários siudat rònt mundu tabata tin éksito pa fasilitá ku mas tantu siudadano bira doño di negshi.

Awe tardi diputado di Ekonomia, Hennyson Thielman a duna presentashon di e plan ku ke bin kun’é i ku lo karga e nòmber di Business Park Playa.

Yuda otro

Den e parke di negoshi nobo, komersiantenan ku ta hasi nan promé paso komo doño di negoshi por kompartí espasio, pero tambe lo tin posibilidat pa risibí guia òf entrenamentu. Banda di esei, por hasi uso di e posibilidat di ‘networking’ dor ku tur e komersiante nobo nan aki ta den mesun barku.