AMSTERDAM – E buelo di KLM di Amsterdam pa Paramaribo a bolbe desviá pa Cayenne den pais bisiña Guyana Franses. Pa di tres biaha den tempu korto, KLM ta informá.

Motibu ta e okupashon di personal di toren na aeropuerto Zanderij. No tin kontroladó di tráfiko aéreo ku por guia e tráfiko aéreo drenta.

E avion, un Boeing 777-300ER, ta pará awor na aeropuerto Cayenne-Félix Eboué i lo hasi e buelo pa Sürnam na momento ku tin personal den toren. Ta spera ku esei lo sosodé den kareda di 3.30 di mèrdia ora di Sürnam.

Warda

Aktualmente tin 43 kontroladó di tráfiko aéreo trahando warda, mientras tin mester di por lo ménos ochenta pa kumpli ku e demanda. Algun kontroladó di tráfiko aéreo a mèldu malu. Na momentu ku mèldu malu hopi biaha no tin remplasante disponibel, di manera ku por guia e avionnan pa drenta te su siguiente sheft

Minister Albert Jubithana di Transporte, Komunikashon i Turismo a anunsiá anteriormente ku dentro di un periodo di kuater luna lo entrená 22 asistente kontroladó di tráfiko aéreo komo empleadonan kompleto.