Willemstad- COPA Airlines a anunsiá ku dia 5 di yüni 2021, nan lo reanudá buelonan entre Panamá i Kòrsou. Den promé instante lo tin 2 buelo pa siman entre aeropuerto Hato i aeropuerto Toucumen di Panamá.

COPA tin mas ku un aña ku nan no a bula pa Kòrsou. Promé ku e komienso di pandemia COPA tabata bula pa Kòrsou kasi diariamente. COPA ta ofresé hopi konekshon pa otro distinashon den Caribe, pero tambe Amerika Latina i Merka.

Segun ofisina di turismo di Kòrsou, COPA ta hunga un ròl importante pa e merkado brasilero. Hopi turista ta usa e aerolínea pa por yega Kòrsou. Brazil ta un merkado sumamente gradi pa e islanan ABC, i tin hopi sambuyadó den e pais.