KRALENDIJK – Corendon Dutch Airlines djarason a anunsiá ofisialmente ku lo kuminsá nan mes buelonan pa Boneiru, kuminsando dia 3 di novèmber próksikimo.

E buelonan pa Boneiru ta sigui e éksito di esnan pa isla hermana Kòrsou ku kua a kuminsá for di aña pasá. Tambe Corendo ta nota un kresementu di demanda pa biaha pa Boneiru.

For di e fecha menshoná, Corendon lo operá biahanan dos biaha pa siman, pa ta eksakto kada djamars i djadumingu, uzando un avion di e tipo Airbus A350. E buelonan planiá lo permití biaheronan pa kumpra djies un pasashi individual, sin hotèl, ku preisnan ku ta kuminsá na 299 Euro pa ida. 

Kombiná

E ruta pa Bonaire ta kombiná ku e ruta pa Kòrsou, kaminda e biahanan ta aterisá na Aeropuerto di Kòrsou yegando for di Amsterdan, promé ku nan ta sigui pa Aeropuerto Flamingo. 

Sinembargo, ora di bula bèk pa Amsterdam, ta trata di un buelo direkto for di Bonaire pa Schiphol.