KRALENDIJK – Corendon ta presente es aki aña durante e grandioso Bonaire Regatta. E organisashon di hotèl ta sostené asina un evento importante di deporte i kultural riba e isla.

Bonaire Regatta 2024 ta tuma lugá e aña aki di 6 te 12 di oktober. E evento aki ta dura un siman i ta promete un show grandioso di boto de bela, festividatnan kultural vibrante, hopi musik i kuminda dushi i naturalemente plaser pa henter famia.

Corendon ta sponsor di e evento den e kategoria di ‘Platinum Sponsor’i ta oferé via di su website ofertonan spesial, ku hopi opshon pa e hotèlnan mas bunita riba e isla.

“Na Corendon nos ta sinti nos orguyoso di ta un sponsor aktivo e aki aña pa loke ta trata Bonaire Regatta. Ta trata di un evento ku ta resalta e rikesa deportivo i kulturel di e isla. Boneiru ta un destinashon importante pa nos, i dor di sostené es evento ikóniko aki, nos ke no solamentu ofresé un eksperensia úniko na e biaheronan internashonal, sino tambe fortalese nos relashon ku e komunidat lokal. Ku e sponsoring aki, nos ke logra un mihó akseso na e merkado lokal i mustra nos apresio pa e isla i su habitantenan”, asina Dick Gussen, direktòr di Brand, Media & Partnerships na Corendon, ta deklará.

Regatta di Boneiru a kuminsá na aña 1967 i awor di dia a krese te bira e evento mas grandi riba e isla.

Segun Corendon, Bonaire ta un destinashon importante. P’esei, Corendon Dutch Airlines ta kuminsá ku vuelonan dos biaha pa siman for di Amsterdam pa Boneiru. E promé buelo lo tuma lugá dia 3 di November.