Willemstad- Curacao Medical Center CMC aktualmente no tin sufisiente sèn pa paga tur su gastunan. Esaki e matutino Antilliaans dagblad ta skibi den su edishon di awe.

For di su apertura, te ku awor, tin un défisit finasiero di na tur 95 mion florin, masomenos 53 mion dòler. Dor di e situashon finasiero, CMC entre otro no por kumpli ku pago di hür.

CMC mientrastantu ta bai entamá un kaso kontra di Minister di salubridat públiko, pa plannan pa kòrta 206 mion den e presupuesto di hendenan ku ta sigurá pa SVB. Segun e ministerio, CMC lo mester usa su medionan finasiero di forma ‘mas efisiente’.