KRALENDIJK – Siman pasá, e Delegado Spesial pa e islanan BES, Edison Rijna, tabata tin un enkuentro ku Joan Nadal Sastre, hefe di Koperashon na e delegashon di EU pa Guyana, Surinam i e LGO Karibense.

Bonaire, St. Eustatius i Saba, komo Paisnan i Teritorionan Ultramarino (LGO) di EU, tabata e tema prinsipal den e charla tokante koperashon entre EU i e islanan. Otro temanan importante tabata e fondo temátiko i horizontal ku ta disponibel pa sostené desaroyo sostenibel i inovashon.

Ademas, a papia tokante e konfrensia benidero tokante strategianan  di klima na Bruselas, ku ta un evento krusial pa akshonnan di klima den futuro serkano, i estrategianan di finansiá esakinan.

Positivo

Segun Rijna, e kooperashon entre EU i e islanan ta sigui trese desaroyonan positivo pa e islanan.