KRALENDIJK – Den e promé kuater lunanan di aña agentenan di Kuerpo Polisial Karibe Hulandes (KPCN) ya a kita 60 reibweis komo kastigu pa diferente infraskshon serio den tráfiko.

E informashon aki a sali na kla riba pregunta di ABC Online Media durante presentashon di estadístikanan anual di kriminalidat i e sifranan tokante tráfiko djabièrnè atardi. 

Segun Edwin van der Giessen, Hefe di Kuido Básiko di Polis (BPZ), ta trata di un ekfekto kombiná. No solamente tin mas infrakshonnan den tráfiko den sifra apsoluto, pero tambe Polis a bira mas estrikto ku tabata e kaso den añanan atrás. 

En total, polis a parti un rèkert di 1731 but na 2023, hopi mas ku den e período entre 2020 i 2022. Kompará ku aña 2022 por papia asta di un triplifikashon di e kantidat di but. 

Temporal

En general e kitamentu di e reibewijs ta temporal, kaminda e tempu ku mester keda sin reibeweis ta dependé di seriedat di e infrakshon. KPCN awor ta kontrolá rutinariamente si shofùrnan ta bou di influensia asina ku nan ta involví den un aksidente di tráfiko. 

Esaki no solamente ta kondusí na mas but, pero tambe na mas detenshon di e shofurnan den kasonan serio.