Institushon di Hustisia Karibe Hulandes (JICN) lo introdusí un regulashon nobo pa detenidonan ku diplomátikamente ta wòrdu yamá Bishita pa Promové Relashon (RPB). E areglo nobo a drenta na vigor dia 8 di yüli 2024.

E regulashon aki, ku ta eksistí den prizon di seguridat normal for di 2015, ta duna detenidonan e oportunidat pa tene kontakto ‘no-supervisá i personal’ ku nan bishitantenan. Esaki, segun JICN ta kontribuí na nan reintegrashon den sosiedat.

Detenidonan por haña e bishita personal sin supervishon un biaha pa luna. “E bishita aki ta yuda pa mantené i fortalesé  e lazo ku famia i partnernan, loke ta esensial pa e detenidó su regreso den sosiedat,” segun JICN.

Kondishonnan

Tin algun kondishon relashoná ku e bishita spesial. E detenidó mester a keda den un prizon ku seguridat normal pa seis luna kontinuamente, e bishita mester yuda ku e reintegrashon di e detenidó i e interesnan di investigashon i prosesu penal no por ta na peligro.

Favor

JICN ta indiká ku e ‘Relashon Promové Bishita’ no ta un derecho automátiko pa detenidonan, pero un fabor ku por wòrdu otorgá pa e direktór di e prizon.

“Mester presentá un petishon, i lo averiguá bon ki relashon e detenido i su bishitante tin ku otro. E direktór por nega e  RPB pa motibu di seguridat òf órden denprizon,” segun e bosero di JICN a splika.