KRALENDIJK – Djabièrnè madrugá 10 di mei, den kareda di binti pasá di dos a detené un hòmber di 46 aña, R.P.B., den sentro di Playa pa korementu bou di influensia di alkohòl. Anteriormente a mira e sospechoso riba Bulevar Gobernador N. Debrot, kaminda e tabata kore zuai bai bin riba kaminda ku su pikòp. Despues di un tèst di supla a resultá ku el a konsumí mas ku e kantidat di alkohòl ku ta pèrmití. A kita su reibeweis.

Djaweps 9 di mei, den kareda di djes pa ocho di anochi, tabatin un choke entre dos outo riba Kaya Rosaura. E kousante di e choke, un hòmber di 47 aña, C.V.B., a sigui kore despues di e aksidente. Ora ku polis a aserk’é e tabata mustra señalnan di abuso di alkohòl. Despues di un tèst di supla a deten’é i a kita su reibeweis