KRALENDIJK – Den kuadro di “Proyekto Bibienda Pagabel/Woondeal” 148 kas lo ser konstruí na Dawari, kaminda pa prome biaha un e desaroyo ta bai tin un parti inklusivo pa loke ta trata naturalesa. 

E método aki ta nifiká ku e vegetashon eksistente lo ser preservá i fortalisé mas tantu posibel, na lugá di raspa e tereno por kompleto. Dawari ta e promé área kaminda e método aki ta bai wòrdu implementá. 

Diputado Anjelica Cicilia a duna salida na e promé proyekto di su soño. E método aki ta úniko no solamente pa Boneiru, pero pa tur e otro partinan Karibense di Reino Hulandes. E mesun método lo ser usa pa desaroyo di otro tereno, manera Rincon Pariba.