KRALENDIJK- Manera ta su kustumber pa ya vários aña, diputado Nina den Heyer riba djaluna a bishitá vários skol na Boneiru i pa laga un bolo grandi pa e tim di kada skol. 

Den Heyer a bisa ku e ta gusta mustra atenshon personal na apertur di tur aña eskolar. “E ta un momento asina importante pa e skolnan, pero tambe den bida di nos muchanan”, asina Den Heyer a bisa. 

Na kada skol e diputado a tuma un rato pa interkambiá di pensamentu ku e tim di maneho na kada skol i deseá nan tur kos bon den e aña eskolar nobo. E diputado a pasa entre otro na tur skol básiko, SGB i tambe Fundashon Forma.