KRALENDIJK – Djasabra mainta a tuma lugá un enkuentro entre dos empleado di fondo di penshun PCN i penshonadonan di Union di Penshonado Karibe Hulandes (UPKH).

UPKH tin komo meta di organisá diferente enkuentro sosial pa su penshonadonan, kaminda ta purba trese informashon relevante tambe pa e afiliadonan di e union di penshonado. 

E biaha aki tabata tei presente tres empleado di PCN den persona di Maraguanela Martis, Erika Ortegon di e departamentu atministrativo di PCN. Nan a duna algun informashon di nan departamentunan i a kontestá pregunta di e presentenan. Banda di esaki, Frederique van den Steen, sekretaria di direktiva di PCN tambe tabata presente. 

E enkuentro tabata unu hopi ameno ku a wòrdu apresiá pa e presentenan di UPKH i tambe na banda di PCN.