KRALENDIJK/WILLEMSTAD- Aerolí regional EZ Air a disidí di no sigui ku e plan pa inkorporá dos avion di e tipo Saab 2000, inisialmente planeá pa ser tuma den servisio den promé kwartal di 2023. 

Saab 2000 ta un variante un tiki mas grandi di avion Saab 340 ku e aeroliní aktualmente ta usando. Na sierto momento inkorporashon di e avion mas grandi tabata parse interesante, pero e aerolinía na kaminda a bin topa tambe ku algun reto ku a ponele kambia di idea. 

“E disponibilidat di pilotonan ku eksperensia riba e tipo di avion aki ta masha limitá. Esaki lo a hasi e entrenamentu di nos propio pilotonan riba e tipo nobo un asuntu un poko difíil i banda di esei bastante karu”, asina irektor di EZ Air René Winkel ta splika. 

Winkel a bisa ku for di inisio tabata kla ku ya no ta tin tantu avion di e tipo aki na operashon rònt mundu, pero e bentahanan tabata parse tòg mas grandi ku e desbentahanan. Pero den práktika, esaki a sali diferente. 

A pesar ku e aerolínia ya a hasi sierto invertishon den e tipo di avion konserní, EZ Air awor a desidí pa no inkorporá e avionnan. “Ta bin aserka ku operadónan eksistente di e avion ta deseá pa adkerí mas unidat di esaki. Nan sí no ta enfrentá e retuonan ku EZ Air lo a enfrentá komo operadó nobo di e tipo di avion aki, i tabata hopi interesa pa tuma e avion di EZ Air ofer pa reinforsá na flota”, Winkel a sigui splika. 

Alternativanan

Awor ku e uso di Saab 2000 no ta un opshon mas, e aerolínea ta studiando algun alternativa. “Nos ta mirando un kresementu bastante signifikativo den e kantidat di pasahero, i nos tin tambe ambishon pa bula mas leu den region. Nos ta buskando un avion ku ta konforme ku nos nesesidat i ambishon”, Winkel a bisa.