WILLEMSTAD – E destino di un militar Hulandes, ku a anunsiá komo perdí durante di snòrkelmentu na Playa Porto Marie djasabra mèrdia, a tuma un rumbo tristu. Despues di un akshon di búskeda intensivo, ku e Sentro di Operashon Marítimo di Wardakosta a entamá, a haña e kurpa sin bida di e militar den besindario di Porto Marie.

Mesora despues di e denunsia di e desaparishon Wardakosta a uza tantu un helikòpter komo e avion Dash pa asistí durante e búskeda for di ariba. Riba awa a uza un unidat di Metal Shark pa buska a fondo kant’i kosta. A fortifiká e akshon di búskeda ku uzo di sambuyadónan boluntario for di Kas Abou i Playa Porto Marie i tambe sambuyadónan di Marina. Koleganan militar tambe a kontribuí ku buskamente na tera.

Un tim di sambuyadónan di marina finalmente a haña e kurpa di e militar perdí. Nan a entregá e kurpa na outoridatnan lokal pa investigashon adishonal. E sirkumstansianan eksakto rondó di e aksidente ta tópiko di investigashon ainda